)
Sälü zämä, ig bi d Violetta, äs Rennvelo vor Marggä Verago. Mi Rahmä isch 48cm u mini Redli 19 Zoll.
Mini Vorbsitzerin isch mit mer richtägi Velorennä gfahrä. Sogar ds Schpaniä si mer gsi. Dr Wahnsinn! Mini itzägi Bsitzärä, d Bettina het mit mir o äs paar schöni Tüürli gmacht. I wiis nid, was passiert isch, aber sit meh aus mä Jahr schtahn i itz im Chäuer. Kes inzigs mau si mer me zämä ungerwägs gsi. Eifach numä truurig! Itz bin i i däm feischtärä Chäuer u längwilä mi. I wott usä, Tüürli machä, d Sunnä gseh, umäsuuusä. Chunnsch mit? So chli Wellness vorhär würd mer äuä guät tuä. Bim Mech bin i scho lang nümme gsi, i wiis nid was für Aschprüch du hesch, aber fahrä u schautä chan i no sehr guät, het d Bettina gsiit, aber si isch ke Profi...
Was miinsch? Wii mer zämä i Sunnäungergang fahrä? Oder Ufgang? I bi für auäs ds ha. Wes numä nümme dä feischter Chäuer isch.
Probefahrä oder sogar abholä chaisch mi ds Bärn ir Neechi vor grossä Schanzä.
